83-SÛREYA MÛTEFFÎFÎN

(Mekke de nazil bîya û 36 ayetî ya)

Bİ NAMAYÊ HOMAY O KE HESKERDOX Û BEXŞKARÛ

1-Wax halê ê merdumanî hîlekaran rê!
2-Waxtu ke deynê xo bîgî bitemam wazenî;
3-Wextu ke deynê şarî dayîş de geyrenî hîlekarîyeyî.
4-Gelo ê nêfikirnenî ke siba rayna ganî bîyayîş esto?
5-A roja pirrxewf de kaş benî hesab.
6-No hawa yew roj a ke însanî hemberê Homay de heme amade benî.
7-Rind goş bidîn! Sîcîlî xiraban ha nusîyenû.
8-Ti zanî sîcîl çin a yo?
9-O Kîtabî merqumû.( Heme çî uca de madde-madde nusîya yo.)
10-Wax halê ê merduman rê ku a roj zurayîn vecenî.
11-Ê a roja hesabî ra vanî “zur a”.
12-Êncax ê gunehkarî harbîyayeyî vanî “ aya zur a”
13-Çi wext ayetî ma êynîn rê bêrî wendiş vanî “ êyî sanikanê verînanî”.
14-La ney! Nê keda xirabin ser a zerrîya yîn jeng giredaya
15-La ney! Nêyî a roj hemberê Homay de milşikte manenî.
16-Êyî a roj verbi adiro har lêr benî.
17-Bade cu êynîn ra vacîyenû ke:”o ke şima zurayîn vetbi noyû”.
18-Hal noyo ke sîcîlî holan pakû.
19-Ti zanî sîcîlo pak çina yû?
20-Uca de heme çîyî madde-madde nusîyayî.
21-Êyî ke Homay ra nizdîyî êynîn rê şahid benî.
22-Holî zî mîyanê nîmetan de asnaw kenî.
23-Serî sediran ra temaşeyê dormarî(manzarayî) kenî.
24-Ti rîyê înan de yew şayîya ke bêterîf veynenî.
25-Her kes rê şerbetî xususî estî û o şerbetî yenî verê lingan yîn.
26-Şerbetî ke sey mîskî! Hîni kamî xo rê kerbe wenî wa borî!...
27-Çimeyê no şerbetî (Mey) tesnîm(cayo berz) o.
28-Êyî ke Homay ra nizdîyî uca ra şimnenî(wenî).
29-Êy gunehkarî harbîyayeyî pê bawermendan yarî(henek) kerdîn.
30-Wextu ke bişîn verê înan, pê çiman û biruyan hewîya xo ardîn.
31-Wextu ke xo bi xo bimendîn pê înan(pê bawermendan) huyaynî.
32-Û çi wext bawermendî bidîn vatîn “ êynîn tam şaş bîy ha!”.
33-Hal noyo ke nêyî bawermendanan ser o mufettîş zî nêbîy.
34-Eyro zî dora huyayîş yê bawermendanan a.
35-Peştê xo şanenî sediran xo û temaşeyê kafiran kenî.
36-Û kafiran ra persenî vanî:” Pê ma huyayîş senînû?”

84- SÛREYA ÎNŞÎQAQ

(Mekke de nazil bîya, 25 ayeta)

Bİ NAMEYÊ HOMAY O KE HESKERDOX Û BEXŞKARÛ
1-Wextu ke asmîn şeqya
2-Û wextu ke goş da fermanê Homay xo
3-Wextu ke erd(zemîn) ame duz kerdin
4-Wextu ke zereyê xo eşt teber û mîyan xo veng(xalî) kerd
5-Û wextu ke goş da fermanê Homay xo sey yî kerd
6-Ey însan! Ti rayerê cuyayîş de bizehmet verbi Homay şinî û ti peyen resenî o.
7-8-9-La keso ke defterê kerdeyan yî (nameyê sîcîl) desto raşt ra bidîyû ci ; hesabê o asan yenû veyneyîş û o bikêf û şayî şinu verbi dostanê xo.
10 ra heta 15-Feqet o kes ku defterê kerdeyan yî desto çep ra bidîyû ci; qayîl benû ke bimrû û bi qedîyû.La ney! O verbi adiro har şinû.Çimkî o dostanê xo het de kêf kerdîn û vatîn qey halê cuyayîş yî qet nêbedilyenû.Hal noyo ke Rebbê yî, yî dîni.
16-Wa bêrû ziwan seherê sibahî!
17-Wa bêrû ziwan aya şewe ke çiyo nimite yew bi yew eşkera kena!
18-Wa bêrû ziwan aya aşme ke safha safha geyrena!
19-Şima hal ra hal bedilyenî.
21-Se bîyû înan ke hama zî (hesab ra) bawer nêkenî?
22-Hemberê înan de Quran yenû wendiş la yîn bi hurmet qebul nêkenî.
23-Hal noyo ke Homa mîyanê yîn heme zanû.
24-Mizgînîya ezabî kû çetin bidi înan.
25-Xo vîrî ra mekîn! Êyî ke holîye, rastîye ser o gureyenî; semedê înan mukafatî weş estî.

82-SÛREYA ÎNFÎTAR

82-SÛREYA ÎNFÎTAR

(Mekke de nazil bîya, 19 ayet a)

Bİ NAMEYÊ HOMAY O KE HESKERDOX Û BEXŞKARÛ

1-Wextu ke asmîn feteqya (û newe ra zîl da)
2-Wextu ke astareyî ginayî yewbînan ro û vila bîy
3-Wextu ke deryayî wariştî û ser şîy
4-Wextu ke qebrî abî û ser û bin bîy
5-Her kes çi kerd û çi nêkerdû veynenû.
6-Ey Însan! Çin a to verbi Homa yo comerd asî kerdû?
7-Homa to xelq kerd û heykelê (şeklê-tabîatê) to bi edalet teswîye kerd.
8-Û heykelê to rê çi lazim biy, o da ci. (Çawa waşt, to a hawa xelq kerd)
9- La ney! Şima rocê hesabî ra bawer nêkenî.
10-Hal noyo ke meleketî ma (hafiza) kerdeyanê şima qeyd kenî.
11-Nêyî qeydkarî delalî.
12-Şima çi kar bikî heme zanî.
13-Holî, mîyanê nîmetan de şa benî
14-Xirabî zî erzîyenî mîyanê adirî
15-Roc a hesabî şinî uca.
16-O (adir) ra nêfeletênî.Wa qet şipheyê şima çin bo.
17-Ti zanî roc a hesabî çina ya?
18-Gelo çina ya roc a hesabî?
19-A roc feydeyê tu kesî nêresenû kesî.Hînî a roc emir bitemam yê Homa yû.